Edicioni PONDER “Kritikët e Rinj” është një program social rinor nga UNICEF Albania në bashkëpunim me ICTSlab.
Ky program ka si qëllim të nxisë tek të rinjtë aftësinë e të menduarit kritik, veçanërisht në lidhje me informacionet që marrin nga të gjitha llojet e mediave.
PONDER realizohet si një platformë e veçantë ku të rinjtë kanë mundësinë të shpalosin aftësitë e tyre në mendimin kritik nëpërmjet eseve të cilat shpalosen aftësitë e tyre dhe perspektivat inovatore e zërin e të rinjve në Shqipëri.
Ky edicion do të zhvillohet në qytetin e Tiranës, në datën 30 Qershor 2023 dhe do të përfshijë aplikantë nga të gjitha qytetet e Shqipërisë.
Konkursi “Kritikët e Rinj” PONDER do të përzgjedhë 5 fitues me esetë e tyre, të cilët do të shpërblehen me 5 tabletë në eventin e madh në Tiranë!
Ky aktivitet organizohet në kuadër të projektit “Qëndro” me financimin e Qeverisë Italiane dhe zbatohet nga UNICEF në Shqipëri në partneritet me Ministrinë e Arsimit dhe Sporteve, Ministrinë e Shtetit për Rininë dhe Fëmijët, Ministrinë e Financave dhe Ekonomisë, Agjencia Kombëtare e Punësimit dhe Aftësive, Ambasada Italiane dhe ICTSlab.
